Эрдэнэт үйлдвэрийн уурхайчдад 3 хувийн хүүтэй ипотекийн зээлийг хязгаарлалтгүй олгож байна

Худалдаа хөгжлийн банк, Эрдэнэт үйлдвэрийн ажилтнуудад энэ оныг дуустал ипотекийн зээлийг ямар нэг хязгаарлалт, саадгүйгээр олгож байна. Энэ нь хамгийн том харилцагч болох Эрдэнэт үйлдвэрийн 45 жилийн ойг угтан барьж буй онцгой урамшуулал хэмээн банкны зүгээс онцлов. 
Эрдэнэт үйлдвэрийн ажилтнуудад нийгмийн болон санхүүгийн бодит дэмжлэг үзүүлэх зорилгоор цалингийн зээлийн хүүг бууруулж, хадгаламжийн хүүний урамшуулал зарлаж байсан бол дараагийн ээлжит урамшуулал нь урьдчилгаа төлбөрийн батлан даалттай 3 хувийн хүүтэй олгох ипотекийн зээлийн онцгой нөхцөл болж байна. 

Эх сурвалж: Erdenettoday.mn