Монгол эмэгтэйчүүдийн дундаж наслалт 76 бөгөөд гурван эмэгтэй тутмын нэг нь дээд боловсролтой байна

Монгол Улсад 2020 оны байдлаар нийт хүн амын 1.6 сая нь эмэгтэйчүүд байна.Монгол эмэгтэйчүүдийн гэрлэх нас гурван жилийн өмнөхөөс 1.8-аар хойшилж, сарын дундаж цалин 48%-аар нэмэгджээ

Тэдний 5.4 хувь нь өрх толгойлсон бөгөөд 54.4 хувь нь сонгуульдаа идэвхтэй оролцдог талаар Үндэсний статистикийн хорооны мэдээлэлд дурджээ.

Монгол эмэгтэйчүүдийн дундаж наслалт 76 бөгөөд гурван эмэгтэй тутмын нэг нь дээд боловсролтой байна.

Мөн нийт эмэгтэйчүүдийн 529.7 мянга нь ажил, хөдөлмөр эрхэлдэг бөгөөд улсын хэмжээнд үйл ажиллагаа явуулж буй аж ахуйн нэгж байгууллагын захирлуудын 36.7 хувь нь эмэгтэй хүн байгаа юм.