Орхон аймаг: Вакцины эхний тун хийлгэсэн 40 хүн халдвар аваад байна

4 сарын 20 ноос 21 ны хооронд сүүлийн 24 цагт   БОЭТ-ийн вируслогийн лабораторид 384 PCR  шинжилгээг  хийхэд 7 халдвар шинээр бүртгэгдлээ. Вакцинжуулалтын эхний тун хийлгэсэн 40 иргэн халдвар аваад байна.Халдвар авсан 40 хүнээс 3 хүн уушигны хатгаатай эмчлэгдэж байна. 

Коронавируст халдвар нь Орхон аймгийн Баян-Өндөр сумын 21 багт тархаж, нийт 319 тохиолдол бүртгэгдээд байна. Цагаанчулуут багт хамгийн олон 40 тохиолдол, Зэст багт 35, Бүрэнбүст багт 26, Хүрэнбулаг 16, Уурхайчин багт 16, Оюут багт 11 тохиолдол бүртгэгдэж нийт тохиолдлын 56 хувийг эзэлж байна.

БОЭТ-д 100 хүн эмчлэгдэж байна. Эдгэрч гарсан иргэдийн тоо 186 хүрсэн бөгөөд тэд гэрийн тусгаарлалтанд байна. Халдвар бүртгэгдснээс хойш зөөвөрлөгдөн ирсэн 20 тохиолдол батлагдсан энэ нь Улаанбаатар хотоос -10  Өмнөговь аймгаас -4 Төв аймаг-1 Завхан аймаг -1 Булган аймаг -1 тус тус зөөвөрлөгдөн орж ирсэн байна.