ИТХ-ын төлөөлөгч Х.Төгсбаяр: Шийдвэр гаргах түвшинд эмэгтэйчүүдийн оролцоог хангахад нийгмийн олон хүчин зүйл нөлөөлнө

"Шийдвэр гаргах түвшинд эмэгтэйчүүдийн оролцоог хангахад нийгмийн олон хүчин зүйл нөлөөлнө"Орхон аймгийн ИТХ-ын төлөөлөгч Х.Төгсбаяр:  "Өнөөдөр манай хүн амын 51 хувийг эзэлж байгаа эмэгтэйчүүдийн төлөөлөл бүх шатны шийдвэр гаргагчдын дотор өчүүхэн хувийг эзэлж байгаа зохисгүй харьцааг бид өөрчлөх ёстой нь хэн бүхэнд ойлгомжтой.Улс төр дэх эмэгтэйчүүдийн оролцоо сонгуулийн тогтолцоо, намын бүтэц зохион байгуулалт, улс төрийн санхүүжилттэй нарийн холбоотой. “Олон улсад суудал хадгалах квот гэж байдаг бол манайд зөвхөн нэр дэвших квоттой. Шийдвэр гаргах түвшний төлөөллийн байгууллагад /УИХ/ эмэгтэйчүүд өөрөө өөрсдийгөө төлөөлөх хангалттай тооны жинтэй байх хэрэгтэй гэж үзэж байна. Тийм учраас Улс төрийн намын тухай хууль, УИХ-ын сонгуулийн тухай хуульд сонгуулийн тогтолцоо, квотын асуудлыг эмэгтэйчүүдэд ээлтэй болгож өөрчлөх зайлшгүй шаардлагатай" Энэ удаагийн сургалт орон нутагт явагдаж байгаад туйлын баяртай байна.Ширээний ард суугаад яриад өнгөрөх бус санал хүсэлтийг судалгаанд тусгаж байгаан их таалагдаж байна. Мөн эмэгтэйчүүдийн манлайллын сүлжээнд бид өнөөдөр уг сургалтаараа нэгдэж чадсан явдалд хувьдаа их талархаж байна.