"Соёлыг түгээгч" байгууллагууд тодорлоо

ЗДТГ-аас хоёр сарын хугацаанд өрнүүлсэн "Соёлыг түгээе" аянд идэвх санаачилгатай оролцсон Засаг даргын дэргэдэх Статистикийн хэлтэс, Улсын бүртгэлийн хэлтэс, Нийгмийн даатгалын хэлтэс зэрэг  байгууллагыг "Соёлыг түгээгч байгууллага"-аар өргөмжиллөө. 

Аяны хүрээнд төрийн байгууллагуудад байгууллагын соёлыг төлөвшүүлэх, иргэдэд үзүүлэх төрийн үйлчилгээний соёлыг дээшлүүлэх талаар зохион байгуулалтын арга хэмжээ авч үр дүн шийдэлд хүрсэн 2 ажлыг хийж, хэвшүүлэг үүрэг чиглэлийг өгсөн билээ. 

Мөн "Соёлыг түгээе" аяны хүрээнд иргэд олон нийтэд чиглэсэн соёл, нөлөөллийн олон талт үйл ажиллагаагаар нийгэмд эерэг өөрчлөлтийг бий болгох зорилгоор боловсрол, эрүүл мэнд, спорт, гэр бүл, хүүхэд залуучууд, нийтийн тээвэр, тохижолт үйлчилгээ зэрэг нийгмийн томоохон салбаруудад чиглэсэн 40 гаруй арга хэмжээг зохион байгуулсан юм.