3 хувийн хүүтэй ипотекийн зээлийн хүсэлтийг өнөөдрөөс авч эхэллээ

Нийслэл Улаанбаатараас хөдөө, орон нутагт шилжин суурьшиж амьдрах иргэдэд ипотекийн 3 хувийн хүүтэй зээл олгох шийдвэр гараад байгаа. Үүнд шилжин суурьшихаас гадна тухайн орон нутагтаа амьдардаг иргэд ч хамаарах юм.

Тэгвэл эл хөнгөлөлттэй зээлд хамрагдах хүсэлтэй иргэдийг хүсэлтийг:

• Төрийн банк
• Худалдаа хөгжлийн банк
• ХААН банк
• Ариг банк
• Транс банк
• Богд банк
• Капитрон банк өнөөдрөөс хүлээн авч эхэлсэн талаар Сангийн дэд сайд С.Мөнгөнчимэг мэдээлжээ.

Зээлийн онцлох нөхцөлүүд гэвэл:

• Өмнө нь ипотекийн зээлд хамрагдаж байсан бол өрийн үлдэгдэлгүй байх ёстой
• Одоо ипотекийн зээлтэй бол боломжгүй
• Хүү эхний гурван жилд 3% байх бөгөөд үүний дараагаас 6 хувь болж нэмэгдэх зэргийг дурдаж болж байна.