Хот тохижуулах газрын дарга Б.Оюунбаяр өөрийн хүсэлтээр ажлаасаа чөлөөлөгджээ

Орхон аймгийн Хот тохижуулах газрын дарга Б.Оюунбаяр өөрийн хүсэлтээр үүрэгт ажлаасаа чөлөөлөгджээ. Тэрээр уг албан тушаалд 2016 оны 9 сард томилогдож байсан бөгөөд ажиллах хугацаандаа багагүй шүүмжлэлийг дагуулж байсан юм. Энэ сарын 6 ны өдөр тэрээр ажлаа Хот тохижуулах газрын ерөнхий инженер Н.Эрдэнэбаатарт хүлээлгэн өгчээ.Одоогоор тус албан тушаалд томилогдох эрхэмийн нэр хараахан тодроогүй байгаа ч тус албан тушаалд Хотын захирагчийн албаны даргаар ажиллаж байсан ИТХ-ын төлөөлөгч С.Ганцогт яригдсан гэх мэдээлэл байна.Тус албан тушаал нь Засаг даргын бүрэн эрхийн хүрээнд явагддаг томилгоо учир түүнийг уг албан тушаалд томилох эсэх нь өнөөдрийн байдлаар тодорхойгүй байна.