“Цагийн хязгаар тогтоох тухай”хэлэлцүүлэгт урьж байна

2023.10.20-ны өдрийн 16:00 цагт “Аймгийн хэмжээнд согтууруулах ундаа худалдах, түүгээр үйлчлэх болон нутаг дэвсгэр дээр үйл ажиллагаа явуулж байгаа цахим тоглоомын газар, интернэт кафе болон барьцаалан зээлдүүлэх үйлчилгээний ажиллах цагийн хязгаарыг шинэчлэн батлах тухай” Засаг даргын шийдвэрийн төслийн хэлэлцүүлэг болно.

“Цагийн хязгаар тогтоох тухай” аймгийн Засаг даргын шийдвэрийн төсөлд иргэдээс 30 хоногийн хугацаанд санал авах бөгөөд Захиргааны ерөнхий хуулийн 62 дугаар зүйлд зааснаар захиргааны хэм хэмжээний актын төсөлд нийтийн санаа бодлыг тусгах зорилгоор тус хэлэлцүүлгийг зохион байгуулна.

Иймд согтууруулах ундаа худалдах, түүгээр үйлчлэх аж ахуйн нэгжүүд, цахим тоглоомын газар, интернэт кафе болон барьцаалан зээлдүүлэх үйлчилгээ эрхлэгч болон иргэд та бүхнийг өргөнөөр оролцохыг урьж байна.