Өнгөрсөн шөнө Завхан аймгийн Тэс суманд -46.2 хэм хүрч хүйтэрчээ

Өнгөрсөн шөнө Завхан аймгийн Тэс суманд -46.2 хэм хүрч хүйтэрсэн бол нийт нутгаар -21 хэмээс дээш хүйтэн хоножээ. Түүнчлэн өнөөдөр нутгийн зүүн өмнөд хэсгээр цас орж, цасан шуурга шуурч, ихэнх нутгаар жавартай хүйтэн байна. Үүнтэй холбоотойгоор зам даваа гүвээнд халтиргаа гулгаа нэмэгдэх эрсдэлтэй. 

Шөнөдөө говийн аймгуудын ихэнх нутаг, төв болон зүүн аймгуудын нутгийн өмнөд хэсгээр, өдөртөө Хөвсгөл, Хэнтийн уулархаг нутаг, говийн бүс нутгийн зүүн хэсэг, Дорнод-Дарьгангийн тал нутгаар цас орж, цасан шуурга шуурна. Иймд дулаан хувцаслаж, хөлдөлт, осголтоос сэргийлэн онцын шаардлагагүй бол хол, ойрын замд гарахгүй байхыг анхаарууллаа.