Монгол улсын Ерөнхий сайд У.Хүрэлсүх маргааш Орхон аймагт ажиллана

Монгол Улсын Ерөнхий сайд У.Хүрэлсүх Орхон аймагт энэ сарын 22-нд ажиллана. Тэрбээр Орхон аймагт хийж буй томоохон хөрөнгө оруулалт, бүтээн байгуулалтын ажилтай танилцана. Мөн “Эх орон дуудаж байна” цугларалт, сургалтын нээлтийн үйл ажиллагаанд оролцож иргэдтэй уулзана.

Түүнийг Амарын талбайд өглөө 08:00-08:30 минутанд угтан авч хүндэтгэл үзүүлнэ.Тэрээр Орон сууцны 1а хорооллын ажлын үйл явцтай танилцахаас ажлаа эхлэнэ.Мөн Шинжлэх ухаан технологийн паркийн үйл ажиллагаатай танилцаж “Берэн металл”гангийн үйлдвэрээр орно.”Эрдэнэт үйлдвэр” ТӨҮГ-ын үйл ажиллагаатай танилцаж Эрдэнэтийн дулааны станцын өргөтгөл зэрэг бүтээн байгуулалтын голлох үйл явцтай танилцах зорилготой. Монгол Улсын Ерөнхий сайд У.Хүрэлсүх Орхон аймгийн иргэдтэй уулзах уулзалт УСО-17:00 цагт эхлэнэ