Өмнөд Солонгос улс хорт хавдрын эсрэг шинэ эм үйлдвэрлэхээр боллоо

Солонгосын томоохон корпорац болох Lotte группийн биотехнологийн салбар компани Lotte Biologics анх удаа антибоди эмийн нийлмэл (ADC) эмийн үйлдвэрлэлд чиглэсэн гэрээг байгууллаа. ADC буюу антибоди эмийн нийлмэл гэдэг нь хавдрын эс рүү өндөр үр дүнтэй эмийг шууд хүргэх тусгай чиглэсэн эмчилгээний технологи юм. Энэ нь эмийн гаж нөлөөг бууруулж, үр дүнг нэмэгдүүлэх онцлогтой. Тус компани 2030 он гэхэд 1.5 их наяд вон (1.05 тэрбум ам.доллар)-ын борлуулалттай болж, дэлхийн шилдэг 10 CDMO-ийн нэг болох зорилт тавьжээ. Өнгөрсөн жил уг группийн нийт борлуулалт 234.4 тэрбум вон байсан байна.