Ж.Энхбаяр: 2027 онд цалин, тэтгэврийг 10 хувиар нэмнэ

УИХ-ын Хүний хөгжил, нийгмийн бодлогын байнгын хорооны хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төслийг хэлэлцлээ. Энэ үеэр Эдийн засаг, хөгжлийн сайд Ж.Энхбаяр "2027 онд манай суурь зардал 2.6 их наяд төгрөгөөр нэмэгдэнэ. Энэ нь цалин, тэтгэврийн нэмэгдэл. Цалин, тэтгэврээ хуульд заасны дагуу инфляцтай уялдуулаад нэмнэ. 10 хувиар нэмэхээр тооцож байгаа" гэлээ.