Баяр наадмын өдрүүдэд 500 орчим худалдаа үйлчилгээний цэг ажиллана

Энэ жилийн баяр наадмаар өнгөрсөн жилүүдээс хоёр дахин их буюу 500 орчим  хоол үйлдвэрлэл, худалдаа үйлчилгээний цэг ажиллана. Тухайлбал, хүнсний чиглэлээр 120,  хоолны үйлдвэрлэлийн чиглэлээр 250 иргэн, аж аухйн нэгж үйл ажиллагаа эрхэлнэ. Авто заам хааж буйтай холбоотой Цэнгэлдэхийн арын 2 зогсоол, Хангайн бүсийн худалдааны төвийн авто зогсоолд худалдаа үйлчилгээний цэг төвлөрнө. Тоосгүй орчинд үйл ажиллагаа эрхлэхэд нь анхаарч энэхүү зохион байгуулалтыг хийж байна.  Үйлчилгээ эрхлэгчдэд 7 дугаар сарын 5-нд галын аюулгүй байдал, хүнсний эрүүл ахуйн чиглэлээр зөвлөмж, мэдээлэл өгсөн. Баяр наадмын өдрүүдэд  улсын 10  байцаагч ажиллана.