Ардын нам шинэ жилийн баяраас татгалзаж Ардын хүүхдүүдийг баярлуулна

Орхон Аймгийн МАН-ын хороо "Эрдэнэтийн Өнгө" шинэ жилийн баярын цэнгүүнээ уламжлал ёсоор энэ жил тэмдэглэхгүй байх Тэргүүлэгчдийн шийдвэрийг өнөөдөр  дахин гаргажээ.

 Өнгөрсөн жилүүдэд Шинэ жилд зарцуулагдах төсвөөрөө 10 өрхөд өргөө цагаан гэр авч өгч 15 сая төгрөгыг нийгэмд тустай үйлсэд зарцуулж тусалж байсан бол энэ жил Эрдэнэт хотынхоо 1000 гаран бяцхан үрсээ баярлуулахаар шийдвэрлэжээ  Хүүхдүүдэд өгөх бэлгийг тусгайлан сонгож УСО-д "Харшийн сүлд" модны наадмын урлагын тоглолт үзүүлж сонирхолтой ном бэлэглэж мэдлэг оюунд нь хөрөнгө оруулалт хийхээр МАН-ын хорооны залуучууд санал дэвшүүлсэн байна ."Эрдэнэтийн өнгө"арга  хэмжээ нь Орхон аймгийн МАН-ын хорооны нэгдсэн цэнгүүн байсан бөгөөд баярын арга хэмжээнд 350 гаруй гишүүд оролцох байв.Сайн үйлсэд нэгдэж зөв шийдвэр гаргасан намын хорооны тэргүүлэгчдэд  талархаж буйгаа Сошиал орчинд илэрхийлжээ.