Улс төр

ОХУ: Коронавирусээс урьдчилан сэргийлэх зорилгоор гуравдугаар сарын 1 хүртэл хилээ хаахаар болов

ОХУ-ын засгийн газар өчигдөр орой Алс Дорнодын таван бүс нутагт Хятадтай залгаа таван хилийн боомтоо гуравдугаар сарын 1-нийг хүртэл хаах шийдвэрийг гаргажээ.

Т.Атарбаяр Сэтгүүлч

2020.01.30 06:42 1 мин унших 538 0 сэтгэгдэл

ОХУ: Коронавирусээс урьдчилан сэргийлэх зорилгоор гуравдугаар сарын 1 хүртэл хилээ хаахаар болов · Зураг: ErdenetLife.mn

ОХУ-ын засгийн газар өчигдөр орой Алс Дорнодын таван бүс нутагт Хятадтай залгаа таван хилийн боомтоо гуравдугаар сарын 1-нийг хүртэл хаах шийдвэрийг гаргажээ. Шинэ коронавирусийн тархалтаас урьдчилан сэргийлэх зорилгоор ийм арга хэмжээ авч буй.

ОХУ-ын шуурхай штаб өчигдөр орой хуралдсан байна. Ингээд Хятадтай хил залгаа оршдог:

Амар муж
Еврейн өөртөө засах муж
Хабаровскийн хязгаар
Приморийн хязгаар
Өвөр Байгалын хязгаарын хилийн шалган нэвтрүүлэх цэгүүдийг хаах хугацааг гуравдугаар сарын 1-нийг хүртэл сунгажээ.

Мөн төмөр замын үйл ажиллагааг өнөөдөр /2020.01.30/ шөнөөс эхлэн зогсоохоор болсон байна. Зөвхөн Бээжин-ОХУ чиглэлийн галт тэргийг үйлчилгээнд явуулаад бусдыг нь зогсооно гэдгийг ОХУ-ын Шадар сайдын орлогч Татьяана Голикова мэдээлэв.

ОХУ-ын засгийн газар Хятадад үлдсэн иргэдээ эх оронд нь буцааж авчрахаар ажиллаж байгаа аж.

Эх сурвалж: CBS news